ਨਿੱਕਲੇ ਜਦੋਂ ਵੀ ਮੁੰਡਾ ਸੱਜ-ਧੱਜ ਕੇ,
ਆਪਣੇ ਪਿਓ ਨੂੰ ਅੱਖਾਂ ਦੱਸੇ ਕੱਢਕੇ,
ਹਰ ਵੇਲ਼ੇ ਰਹਿੰਦੀ ਫਿਰ ਸ਼ੀਸ਼ਾ ਭਾਲ਼ਦੀ,
ਹੁੰਦੀ ਏ ਜਵਾਨੀ ਜਦ ਅਠਾਰਾਂ ਸਾਲ ਦੀ |
ਪਹੁੰਚਣ ਲੜਾਈ ਦੀਆਂ ਗੱਲਾਂ ਜਦ ਥਾਣੇ,
ਮਾਪਿਆਂ ਦੀ ਆਉਂਦੀ ਫਿਰ ਅਕਲ ਠਿਕਾਣੇ,
ਨਿੱਕੀ ਜਿਹੀ ਝਿੜਕ ਖ਼ੂਨ ਨੂੰ ਉਬਾਲਦੀ,
ਹੁੰਦੀ ਏ ਜਵਾਨੀ ਜਦ ਅਠਾਰਾਂ ਸਾਲ ਦੀ |
ਤੇ ਅੱਧੀ-ਅੱਧੀ ਰਾਤੀਂ ਜਦ ਫੋਨ ਵੱਜਦਾ,
ਆਉਂਦੀ ਨਾ ਅਵਾਜ਼ ਕਹਿਕੇ ਥੱਲੇ ਭੱਜਦਾ,
ਲੋਕਾਂ ਦੇ ਉਲਾਂਭੇ ਰਹੇ ਮਾਂ ਟਾਲਦੀ,
ਹੁੰਦੀ ਏ ਜਵਾਨੀ ਜਦ ਅਠਾਰਾਂ ਸਾਲ ਦੀ |
ਭੁੱਲਕੇ ਵੀ ਹੋਵੇ ਜੇ ਕੁੜੀ ਨੂੰ ਛੇੜਿਆ,
ਸਕਿਆਂ ਭਰਾਵਾਂ ਹੋਵੇ ਮੂਹਰੇ ਘੇਰਿਆ,
ਰੱਬ ਹੀ ਬਚਾਵੇ ਯਸ਼ੂ ਹਾਲ ਦੀ,
ਹੁੰਦੀ ਏ ਜਵਾਨੀ ਜਦ ਅਠਾਰਾਂ ਸਾਲ ਦੀ |
