ਜੀ ਆਇਆਂ ਨੂੰ
You are here: Home >> Kavi ਕਵੀ >> ਦੱਸ ਮੈਂ ਕੀ ਪਿਆਰ ਵਿਚੋਂ ਖੱਟਿਆ/Daas Main ki Piyar Vicho Khatiya

ਦੱਸ ਮੈਂ ਕੀ ਪਿਆਰ ਵਿਚੋਂ ਖੱਟਿਆ/Daas Main ki Piyar Vicho Khatiya

ਦੱਸ ਮੈਂ ਕੀ ਪਿਆਰ ਵਿਚੋਂ ਖੱਟਿਆ
ਤੇਰੇ ਨੀ ਕਰਾਰਾਂ ਮੈਨੂੰ ਪੱਟਿਆ

ਇਸ਼ਕ ਵਾਲੇ ਪਾਸੇ ਦੀਆਂ ਨਰਦਾਂ ਖਲਾਰ ਕੇ
ਜਿੱਤ ਗਈ ਏਂ ਤੂੰ ਅਸੀਂ ਬਹਿ ਗਏ ਬਾਜ਼ੀ ਹਾਰ ਕੇ
ਮੈਨੂੰ ਵੇਖ ਕਮਜ਼ੋਰ ਤੇਰਾ ਚੱਲ ਗਿਆ ਜ਼ੋਰ
ਤਾਹੀਂ ਮੂੰਹ ਤੂੰ ਸੱਜਣ ਤੋਂ ਵੱਟਿਆ
ਦੱਸ ਮੈਂ ਕੀ ਪਿਆਰ ਵਿਚੋਂ ਖੱਟਿਆ

ਆਸ਼ਕਾਂ ਦਾ ਕੰਮ ਹੁੰਦੈ ਲਾ ਕੇ ਨਿਭਾਣ ਦਾ
ਜਿਹੜਾ ਜਾਵੇ ਛਡ ਉਹਨੂੰ ਮਿਹਣਾ ਏਂ ਜਹਾਨ ਦਾ
ਨੀ ਤੂੰ ਰੋਸ਼ਨੀ ਵਿਖਾ ਕੇ ਮੈਨੂੰ ਦੁਖਾਂ ਵਿਚ ਪਾ ਕੇ
ਨਾਲੇ ਲਹੂ ਤੂੰ ਸਰੀਰ ਵਿਚੋਂ ਚੱਟਿਆ
ਦੱਸ ਮੈਂ ਕੀ ਪਿਆਰ ਵਿਚੋਂ ਖੱਟਿਆ

ਸੱਸੀ ਸੋਹਣੀ ਸ਼ੀਰੀਂ ਵਾਂਗੂੰ ਤੂੰ ਵੀ ਕੁਝ ਸੋਚ ਨੀ
ਲੇਲਾਂ ਵਾਂਗੂੰ ਤੱਤੀਏ ਨਾ ਮਾਸ ਸਾਡਾ ਨੋਚ ਨੀ
ਪਰ੍ਹਾਂ ਛਡ ਇਹ ਅਦਾਵਾਂ ਤੈਨੂੰ ਅੱਖਾਂ ‘ਚ ਬਹਾਵਾਂ
ਤੇਰੇ ਰੂਪ ਦੀ ਕਟਾਰੀ ਮੈਨੂੰ ਫੱਟਿਆ
ਦੱਸ ਮੈਂ ਕੀ ਪਿਆਰ ਵਿਚੋਂ ਖੱਟਿਆ

ਉਹ ਗੱਲ ਕਰ ਲੋਕੀ ਗਾਉਣ ਨੀ ਕਹਾਣੀਆਂ
ਠੋਕਰਾਂ ਨਾ ਮਾਰ ਮੈਥੋਂ ਸਹੀਆਂ ਨਹੀਓਂ ਜਾਣੀਆਂ
ਮੈਨੂੰ ਤੇਰੀ ਨੀ ਜੁਦਾਈ ਕਰ ਛੱਡਿਆ ਸ਼ੁਦਾਈ
ਨਾਲੇ ‘ਯਮਲਾ’ ਬਣਾ ਕੇ ਪਰ੍ਹਾਂ ਸੱਟਿਆ
ਦੱਸ ਮੈਂ ਕੀ ਪਿਆਰ ਵਿਚੋਂ ਖੱਟਿਆ

About Rajinderapl Sandhu

Click on a tab to select how you'd like to leave your comment

Leave a Reply

Your email address will not be published. Required fields are marked *

*

Scroll To Top
Skip to toolbar