ਜੀ ਆਇਆਂ ਨੂੰ
You are here: Home >> Kavi ਕਵੀ >> ਕਹਿੰਦੇ ਨੇ ਸਿਆਣੇ ਗੱਲਾਂ ਸੱਚੀਆਂ ਜ਼ੁਬਾਨੀ/Kehde ne Siaane gala Sachiya Jubani

ਕਹਿੰਦੇ ਨੇ ਸਿਆਣੇ ਗੱਲਾਂ ਸੱਚੀਆਂ ਜ਼ੁਬਾਨੀ/Kehde ne Siaane gala Sachiya Jubani

ਕਹਿੰਦੇ ਨੇ ਸਿਆਣੇ ਗੱਲਾਂ ਸੱਚੀਆਂ ਜ਼ੁਬਾਨੀ
ਤੱਕੇ ਜੋ ਸਹਾਰਾ ਉਹਦੀ ਕੀ ਏ ਜ਼ਿੰਦਗਾਨੀ

ਪਿਆਰ ਦੀ ਖ਼ਾਤਿਰ ਦਰ ਦਰ ਫਿਰਦੈ ਲੋਕੀ ਕਹਿਣਾ ਅਵਾਰਾ
ਸ਼ਹੁ ਡੂੰਘੇ ਵਿਚ ਗੋਤੇ ਖਾਂਦੈ ਮਿਲੇ ਨਾ ਕੋਈ ਸਹਾਰਾ
ਕੱਚਿਆਂ ਨਾ’ ਲਾ ਕੇ ਮਿਲੀ ਦੁੱਖਾਂ ਦੀ ਨਿਸ਼ਾਨੀ
ਤੱਕੇ ਜੋ ਸਹਾਰਾ ਉਹਦੀ ਕੀ ਏ ਜ਼ਿੰਦਗਾਨੀ
ਕਹਿੰਦੇ ਨੇ ਸਿਆਣੇ…

ਸੁਣਿਐਂ ਲੋਕੀ ਸੁਘੜ ਸਿਆਣੇ ਐਵੇਂ ਨਹੀਂ ਵਕਤ ਗਵਾਂਦੇ
ਬਿਨਾ ਕੰਮ ਤੋਂ ਇੱਜ਼ਤ ਵਾਲੇ ਘਰੋਂ ਬਾਹਰ ਨਹੀਂ ਜਾਂਦੇ
ਛੱਡੇ ਜੋ ਠਿਕਾਣਾ ਉਹਦੀ ਹਰ ਥਾਂ ਤੇ ਹਾਨੀ
ਤੱਕੇ ਜੋ ਸਹਾਰਾ ਉਹਦੀ ਕੀ ਏ ਜ਼ਿੰਦਗਾਨੀ
ਕਹਿੰਦੇ ਨੇ ਸਿਆਣੇ…

ਘੋੜੇ ਥਾਨੀ ਮਰਦ ਮੁਕਾਮੀ ਦੂਣਾ ਮੁੱਲ ਪਵਾਂਦੇ
ਓਦੋਂ ਸਮਝੋ ਕੀਮਤ ਘਟ ਗਈ ਜਦੋਂ ਵਿਕਣ ਲਈ ਜਾਂਦੇ
ਦੂਣਾ ਮੁੱਲ ਪੈਂਦੈ ਬੈਠੇ ਆਪਣੇ ਮਕਾਨੀ
ਤੱਕੇ ਜੋ ਸਹਾਰਾ ਉਹਦੀ ਕੀ ਏ ਜ਼ਿੰਦਗਾਨੀ
ਕਹਿੰਦੇ ਨੇ ਸਿਆਣੇ…

ਸਤਿਜੁਗ ਦੇ ਵਿਚ ਪਿਆਰ ਸੱਚਾ ਸੀ ਕਲਿਜੁਗ ਦੇ ਵਿਚ ਐਸਾ
ਉਹਦਾ ਕੋਈ ਨਹੀਂ ਸਾਥੀ ਜੱਗ ਤੇ ਜਿਸ ਕੋਲ ਹੈ ਨਹੀਂ ਪੈਸਾ
ਦੁਖੀਆਂ ਨੂੰ ਦੇਵੇ ਨਾ ਕੋਈ ਪੱਲਿਓਂ ਦਵਾਨੀ
ਤੱਕੇ ਜੋ ਸਹਾਰਾ ਉਹਦੀ ਕੀ ਏ ਜ਼ਿੰਦਗਾਨੀ
ਕਹਿੰਦੇ ਨੇ ਸਿਆਣੇ…

ਆਸ਼ਿਕ ਬੱਕਰੇ ਵਾਂਗੂੰ ‘ਜੱਟਾ’ ਤੂੰ ਹੈਂ ਸ਼ੋਖ਼ ਕਸਾਈ
ਦੋ ਖਤ ਫੁੱਟ ਹਰਿਆਵਲ ਅੱਗੇ ਹੈ ਸੀ ਛੁਰੀ ਚਲਾਈ
ਪੇਟ ਦੇ ਪੁਜਾਰੀ ਗਾਲੀ ਕਿਸੇ ਦੀ ਜਵਾਨੀ
ਤੱਕੇ ਜੋ ਸਹਾਰਾ ਉਹਦੀ ਕੀ ਏ ਜ਼ਿੰਦਗਾਨੀ
ਕਹਿੰਦੇ ਨੇ ਸਿਆਣੇ…

About Rajinderpal Sandhu

One comment

  1. Nice blog ji

Click on a tab to select how you'd like to leave your comment

Leave a Reply

Your email address will not be published. Required fields are marked *

*

Scroll To Top
Skip to toolbar