ਜੀ ਆਇਆਂ ਨੂੰ
You are here: Home >> Kavi ਕਵੀ >> ਸਖੀਆ ਨਾਮ ਸਾਈਂ ਦਾ ਈ ਬੋਲ/ Skhiya Nam Sai da ee Bol

ਸਖੀਆ ਨਾਮ ਸਾਈਂ ਦਾ ਈ ਬੋਲ/ Skhiya Nam Sai da ee Bol

ਜੰਗਲ ਦੇ ਵਿਚ ਖੂਹਾ ਲਵਾ ਦੇ ਉੱਤੇ ਪਵਾ ਦੇ ਡੋਲ
ਸਖੀਆ ਨਾਮ ਸਾਈਂ ਦਾ ਈ ਬੋਲ

ਛੱਡ ਦੇ ਚੋਰੀ ਯਾਰੀ ਠੱਗੀ ਦਗ਼ਾ ਫ਼ਰੇਬ ਕਮਾਉਣਾ
ਇਹ ਇਨਸਾਨੀ ਜਾਮਾ ਮੁੜਕੇ ਤੇਰੇ ਹੱਥ ਨਹੀਂ ਆਉਣਾ
ਨਹੀਂ ਮਿਲਣੇ ਤੈਨੂੰ ਪਲੰਘ ਨਵਾਰੀ ਬਿਸਤਰ ਹੋਣਾ ਈ ਗੋਲ
ਸਖੀਆ ਨਾਮ ਸਾਈਂ ਦਾ ਈ ਬੋਲ

ਆਪਣਾ ਕੀਤਾ ਸਭਨੇ ਪਾਣੈ ਜੋ ਦੁਨੀਆਂ ਤੇ ਆਇਆ
ਖਾਲੀ ਹੱਥੀਂ ਜਾਊ ਨਿਮਾਣਾ ਜਿਸਨੇ ਵਕਤ ਗੁਵਾਇਆ
ਵਕਤ ਗੁਵਾਚਾ ਹੱਥ ਨਹੀਂ ਆਉਣਾ ਕਿਉਂ ਬਣਿਆ ਅਣਭੋਲ
ਸਖੀਆ ਨਾਮ ਸਾਈਂ ਦਾ ਈ ਬੋਲ

ਮਾਸ ਬਿਗਾਨਾ ਖਾ ਖਾ ਪਲਣਾ ਲਾਲਚ ਲੱਗ ਨਾ ਜਰ ਦੇ
ਜਿਨ੍ਹਾਂ ਵਾਸਤੇ ਪਾਪ ਕਮਾਨੈਂ ਨਹੀਂ ਬਣਨੇ ਤੇਰੇ ਘਰ ਵੇ
ਤੇਰੇ ਨਾਲ ਕਿਸੇ ਨਹੀਂ ਜਾਣਾ ਜਿਨ੍ਹਾਂ ਨਾਲ ਕਰੇਂ ਕਲੋਲ
ਸਖੀਆ ਨਾਮ ਸਾਈਂ ਦਾ ਈ ਬੋਲ

ਨਾ ਕਰ ਨੀਂਦ ਪਿਆਰੀ ਏਨੀ ਇਸ ਨਹੀਂ ਪਾਰ ਲੰਘੌਣਾ
ਦੇਖੀਂ ਤੈਨੂੰ ਜਾਗ ਨਹੀਂ ਆਉਣੀ ਇਕ ਦਿਨ ਐਸਾ ਸੌਣਾ
ਏਸ ਮਿੱਟੀ ਨੇ ਫਿਰ ਨਹੀਂ ਸੁਣਨੇ ਵੱਜਣ ਕੰਨਾਂ ਵਿਚ ਢੋਲ
ਸਖੀਆ ਨਾਮ ਸਾਈਂ ਦਾ ਈ ਬੋਲ

ਦਾ ਦੁਨੀਆਂ ਤੇ ਸੱਤਰ ਆ ਕਰ ਏਜ਼ਕ? ਨੇ ਫ਼ੁਰਮਾਇਆ
ਆਇ ਸਵਾਲੀ ਮੋੜ ਨਾ ਖ਼ਾਲੀ ਜੋ ਤੇਰੇ ਦਰ ਆਇਆ
ਪਾਕ ਹੱਥਾਂ ਨਾਲ ਕਰੀਂ ਖ਼ਰੈਤਾਂ ਜੋ ਕੁਛ ਤੇਰੇ ਕੋਲ
ਸਖੀਆ ਨਾਮ ਸਾਈਂ ਦਾ ਈ ਬੋਲ

About Rajinderapl Sandhu

Click on a tab to select how you'd like to leave your comment

Leave a Reply

Your email address will not be published. Required fields are marked *

*

  ਪੰਜਾਬੀ     English ਪੰਜਾਬੀ

Scroll To Top
Skip to toolbar