ਚਿੱਟੀ ਮਸੀਤ ਬੂਹਾ ਕੋਈ ਨਾ ?   ਅੰਡਾ

ਬਾਤ ਪਾਵਾਂ ਬਟੋਲੀ ਪਾਵਾਂ, ਸੁਣ ਵੇ ਪਾਈ ਕਾਕੜੀਆਂ, ਇਕ ਸ਼ਖਸ ਮੈਂ ਐਸਾ ਡੀਠਾ, ਤੌਣ ਲੰਮੀ ਸਿਰ ਆਕੜਿਆ ?   ਊਂਠ

ਅੱਠ ਹੱਡ, ਥੱਬਾ ਆਂਦਰਾਂ ਦਾ, ਜਿਹੜਾ ਮੇਰੀ ਬਾਤ ਨਾ ਬੁਝੇ, ਉਹ ਪੁੱਤ ਬਾਂਦਰਾਂ ਦਾ ?   ਮੰਜਾ

ਮਾਂ ਜੰਮੀ ਨਹੀਂ ਪੁੱਤ ਬਨੇਰੇ ਖੇਡੇ   ਧੂਆ ਤੇ ਅੱਗ

ਏਡੀ ਕੁ ਟਾਟ , ਭਰੀ ਸਬਾਤ ?   ਦੀਵਾ

ਤਲੀ ਉੱਤੇ ਕਬੂਤਰ ਨੱਚੇ ?   ਆਟੇ ਦਾ ਪੇੜਾ

ਇੱਕ ਨਿੱਕਾ ਜਿਹਾ ਪਟਵਾਰੀ, ਉਸਦੀ ਸੁੱਥਣ ਬਹੁਤੀ ਭਾਰੀ ?   ਅਟੇਰਨ

ਏਨੀ ਕੁ ਡੱਡ, ਕਦੇ ਨਾਲ ਕਦੇ ਅੱਡ ?   ਟਿੱਚ ਬਟਨ

ਕਾਲਾ ਹੈ ਪਰ ਕਾਗ ਨਹੀਂ, ਲੰਮਾ ਹੈ ਪਰ ਨਾਗ ਨਹੀਂ ?   ਪਰਾਂਦਾ

ਹਾਬੜ ਦਾਬੜ ਪਈ ਕੁੜੇ, ਪੜਥੱਲੋ ਕਿੱਧਰ ਗਈ ਕੁੜੇ ?   ਕੜਛੀ

ਮਿੱਟੀ ਦਾ ਘੋੜਾ, ਲੋਹੇ ਦੀ ਲਗਾਮ, ਉਤੇ ਬੈਠਾ ਗੁਦਗੁਦਾ ਪਠਾਣ ? ਚੁੱਲਾ, ਤਵਾ, ਰੋਟੀ

ਅੱਗੋ ਨੀਵਾਂ ਪਿੱਛੋਂ ਉੱਚਾ, ਘਰ ਘਰ ਫਿਰੇ ਹਰਾਮੀ ਲੂਚਾ ?   ਛੱਜ

ਨਿੱਕਾ ਜਿਹਾ ਕਾਕਾ, ਘਰ ਦਾ ਰਾਖਾ ?   ਜਿੰਦਰਾ

ਏ ਸੀ, ਔਹ ਗਈ। ਨਜ਼ਰ

ਨਿੱਕੀ ਜਿਹੀ ਪਿੱਦਣੀ, ਪਿੱਦ ਪਿੱਦ ਕਰਦੀ, ਸਾਰੇ ਜਹਾਨ ਦੀ, ਲਿੱਦ ਕੱਠੀ ਕਰਦੀ |   ਝਾੜੂ,ਬੋਕਰ

ਦਸ ਜਾਣੇ ਪਕਾਂਣ ਵਾਲੇ , ਬੱਤੀ ਜਾਣੇ ਖਾਣ ਵਾਲੇ , ਝੰਡੋ ਕੁੜੀ ਸਮੇਟਣ ਵਾਲੀ , ਮੌਜਧੈਛ ਸਾਂਭਣ ਤੇ ?   ਉਂਗਲਾਂ, ਦੰਦ, ਜੀਭ ਤੇ ਢਿੱਡ

ਆਈ ਸੀ , ਪਰ ਦੇਖੀ ਨਹੀਂ ?   ਨੀਂਦ

ਬਾਪੂ ਕਹੇ ਤੇ ਅੜ ਜਾਂਦਾ, ਚਾਚਾ ਕਹੇ ਤਾਂ ਖੁੱਲ ਜਾਂਦਾ ?   ਮੂੰਹ, ਬੰਦ ਤੇ ਖੁੱਲਾ

ਲੱਗ ਲੱਗ ਕਹੇ ਨਾ ਲੱਗਦੇ, ਬਿਨ ਆਖੇ ਲੱਗ ਜਾਂਦੇ, ਮਾਮੇ ਨੂੰ ਲੱਗਦੇ, ਤਾਏ ਨੂੰ ਨਹੀਂ ਲੱਗਦੇ ?   ਬੁੱਲ

ਦੋ ਗਲੀਆਂ ਇੱਕ ਬਜ਼ਾਰ, ਵਿੱਚੋਂ ਨਿਕਲਿਆ ਥਾਣੇਦਾਰ, ਚੁੱਕ ਕੇ ਮਾਰੋ ਕੰਧ ਦੇ ਨਾਲ ? ਸੀਂਡ/ਵਗਦਾ ਨੱਕ