ਮੈਂ ਕਿਹਾ ਕੀ ਸੋਚਦੇ ਹੋ ਯਾਰ, ਬੋਲੇ 'ਕੁਝ ਨਹੀਂ' , ਮੈਂ ਓਹਨਾਂ ਨੂੰ ਪੁੱਛਿਆ ਸੌ ਵਾਰ, ਬੋਲੇ 'ਕੁਝ ਨਹੀਂ' , ਮੈਂ ਕਿਹਾ ਮੇਰੀ ਤਰਾਂ ਤੜਪੇ ਕਦੀ ਹੋ ਰਾਤ-ਦਿਨ, ਕੀ ਕਦੇ ਚੇਤੇ ਆਇਆ ਹੈ ਪਿਆਰ, ਬੋਲੇ 'ਕੁਝ ਨਹੀਂ' , 'ਕੁੱਝ ਨਹੀਂ' ਦਾ ਅਰਥ ਮੈਂ ਕੀ ਸਮਝਾਂ, ਦੱਸੋਗੇ ਹੁਜ਼ੂਰ ? ਮੇਰੇ ਮੂੰਹੋਂ ਇਹ ਸੁਣਦੇ ਸਾਰ ਬੋਲੇ 'ਕੁੱਝ ਨਹੀਂ' ! ਫਿਰ ਮਿਲਣ ਦਾ ਵਾਅਦਾ ਕੀ ਇੱਕ ਇਨਕਾਰ ਹੈ ? ਸਿਰ ਹਿਲਾ ਕੇ ਕਰ ਗਏ ਇਨਕਾਰ, ਬੋਲੇ 'ਕੁਝ ਨਹੀਂ' ! ਰੋ ਪਏ ਫਿਰ ਹੱਸ ਪਏ, ਫਿਰ ਹੱਸ ਪਏ ਫਿਰ ਰੋ ਪਏ, ਪੁੱਛਿਆ ਕਾਰਣ ਮੇਰੇ ਦਿਲਦਾਰ, ਬੋਲੇ 'ਕੁਝ ਨਹੀਂ' ! ਹੱਸਦੇ ਸਨ ਖੂਬ ਓਹ, ਤੱਕਦੇ ਵੀ ਮੇਰੇ ਵੱਲ੍ਹ ਰਹੇ, ਪਰ ਓਹ 'ਰੌਸ਼ਨ' ਨਾਲ਼ ਜਾਂਦੀ ਵਾਰ ਬੋਲੇ 'ਕੁੱਝ ਨਹੀਂ'..!! (ਗੁਰਦਿਆਲ ਰੌਸ਼ਨ)