ਪੱਗ ਵੀ ਲਿਆਇਆ ਮੰਗ ਕੇ ਜੀਜਾ
ਕੁੜਤਾ ਲਿਆਇਆ ਵੇ ਚੁਰਾ
ਚਾਦਰਾ ਮੇਰੇ ਵੀਰ ਦਾ
ਮੈਂ ਤਾਂ ਐਥੇ ਲਊਂ ਲੁਹਾ
ਵੇ ਜੀਜਾ ਮੇਰਿਆ
ਕੀ ਗੱਲ ਪੁੱਛਾਂ ਲਾੜਿਆ
ਕੀ ਗੱਲ ਪੁੱਛਾਂ ਵੇ
ਨਾ ਤੇਰੀ ਦਾੜੀ ਭੌਂਦਆਂ
ਨਾ ਤੇਰੀਆ ਮੁੱਛਾਂ ਵੇ
ਬੋਕ ਦੀ ਲਾ ਲੈ ਦਾੜੀ
ਚੂਹੇ ਦੀਆ ਮੁੱਛਾਂ ਲੁਆ
ਭੱਜ ਜਾ,ਭੱਜ ਜਾ ਲਾੜਿਆ
ਸਾਡੇ ਮੁੰਡੇ ਤੇਰੀ ਭੈਣ ਮੰਗਦੇ
ਮੁੰਡਿਆਂ ਲੱਭ ਗਈ ਸਾਂਝੀ ਜੋਰੂ
ਮੁੰਡੇ ਫਿਰਦੇ ਲੱਡੂ ਵੰਡਦੇ
ਲਾੜਿਆਂ ਸਾਡੇ ਪੈਰੀਂ ਪੈ
ਛਡਾ ਦਿਆਂਗੇ ਤੈਨੂੰ
ਭੱਜ ਜਾ,ਭੱਜ ਜਾ ਸਰਬਾਲਿਆਂ
ਸਾਡੇ ਬੁੜੇ ਤੇਰੀ ਬੇਬੇ ਮੰਗਦੇ
ਬੁੜਿਆਂ ਨੂੰ ਲੱਭ ਗਈ ਸਾਂਝੀ ਜੋਰੂ
ਬੁੜੇ ਫਿਰਦੇ ਲੱਡੂ ਵੰਡਦੇ
ਸਰਬਾਲਿਆਂ ਸਾਡੇ ਪੈਰੀਂ ਪੈ
ਛਡਾ ਦਿਆਂਗੇ ਤੈਨੂੰ