ਕਾਲਾ-ਕਾਲਾ ਪਿਉ ਲਾਲ-ਲਾਲ ਬੱਚੇ ਜਿੱਥੇ-ਜਿੱਥੇ ਜਾਵੇ ਪਿਉ ਉੱਥੇ-ਉੱਥੇ ਜਾਣ ਬੱਚੇ   ਰੇਲ ਗੱਡੀ

ਤਿੰਨ ਪਏ ਪੰਜ ਖੜੇ, ਅੱਠ ਲਿਆਵਣ ਗੇੜਾ, ਮੇਰੀ ਬਾਤ ਬੁੱਝ ਲੈ, ਨਹੀਂ ਤਾਂ ਬਣ ਚੇਲਾ ਮੇਰਾ। ਚਰਖਾ  

ਊਠ ਤੇ ਚੜ੍ਹੇਂਦੀਏ,ਹਿਕੇਂਦਾ ਤੇਰਾ ਕੀ ਲਗਦਾ? ਅੁਹਦਾ ਤਾਂ ਮੈਂ ਨਾਂ ਨਹੀ ਲੈਣਾ, ਮੇਰਾ ਨਾਂ ਈ ਜੀਆਂ, ਉਹਦੀ ਸੱਸ ਤੇ ਮੇਰੀ ਸੱਸ, ਦੋਵੇਂ ਮਾਂਵਾ-ਧੀਆਂ।   ਨੂੰਹ-ਸਹੁਰਾ

ਐਨੀ ਕੁ ਛੋਕਰੀ, ਉਹਦੇ ਸਿਰ ਸਵਾਹ ਦੀ ਟੋਕਰੀ। ਚਿਲਮ

ਛੋਟੀ ਜਿਹੀ ਕਟੋਰੀ ਵਿਚ ਪਾਪਾ ਜੰਮਿਆ ? ਦਹੀਂ

ਬਾਬਾ ਜੀ ਬਾਜ਼ਾਰ ਜਾਣਾ, ਸਾਰੇ ਘਰ ਦਾ ਆਹਾਰ ਲਿਆਣਾ, ਬਹੁਤੇ ਪੈਸੇ ਖ਼ਰਚ ਨਾ ਆਣਾ, ਬੁਢਿਆਂ ਲਈ ਗੁਲਫ਼ਾ ਸਾਰਾ, ਬੱਕਰੀ ਲਈ ਹਰਾ ਚਾਰਾ, ਮੁਰਗੀ ਲਈ ਦਾਣਾ ਪਿਆਰਾ, ਇਕ ਤੋਂ ਜ਼ਿਆਦਾ ਚੀਜ਼ ਨਾ ਲਿਆਣਾ, ਬਹੁਤੇ ਪੈਸੇ ਖ਼ਰਚ ਨਾ ਆਣਾ ?   ਤਰਬੂਜ

ਚਿੱਟਾ ਹਾਂ ਪਰ ਦੁੱਧ ਨਹੀਂ, ਗੱਜਦਾ ਹਾਂ ਪਰ ਰੱਬ ਨਹੀਂ, ਵੱਲ ਖਾਂਦਾ ਹਾਂ ਪਰ ਸੱਪ ਨਹੀ। ਪਾਣੀ ਜਾਂ ਸੰਖ

ਆਰ ਢਾਂਗਾ ਪਾਰ ਢਾਂਗਾ ਵਿਚ ਦੀ ਬਗਲਾ ਨਹਾਉਂਦਾ ਬਗਲੇ ਨੂੰ ਲੱਤ ਮਾਰੀ ਪੁੱਠਾ ਹੋ ਕੇ ਗਾਉਂਦਾ। ਛੰਨਾ ਜਾਂ ਕੌਲ

ਟਿਡ ਵਿੱਚੋ ਕੱਢ ਕੇ, ਵੱਖੀ ਵਿਚ ਮਾਰੀ, ਸੜ ਕੇ ਸਵਾ ਹੋ ਗਈ ਸਾਰੀ ?   ਮਾਚੀਸ ਦੀ ਤੀਲੀ

ਦੋ ਜਾਣੇ ਦੀ ਲਾਠੀ, ਇਕਮਜਾਣੈ ਦਾ ਬੋਝ, ਇਸ ਮੇਰੀ ਬੁਜਾਰਤ ਦੀ, ਕਡੋ ਬੀਬਾ ਖੋਜ ?   ਡੋਲੀ

ਵੱਟ ਤੇ ਟਾਂਡਾ ਸੱਭ ਦਾ ਸਾਂਜਾ   ਹੁੱਕਾ

ਨਿੱਕੇ-ਨਿੱਕੇ ਮੇਮਣੇ ਪਹਾੜ ਚੁੱਕੀ ਜਾਂਦੇ ਨੇ, ਰਾਜਾ ਪੁੱਛੇ ਰਾਣੀ ਨੂੰ ? ਜਨੌਰ ਤੁਰੀ ਜਾਂਦੇ ਨੇ ?   ਰੇਲ ਗੱਡੀ ਦੇ ਡੱਬੇ

ਕੋਲ ਫੁੱਲ ਕੋਲ ਫੁੱਲ, ਫੁੱਲ ਦਾ ਹਜਾਰ ਮੂਲ, ਕਿਸੇ ਕੋਲ ਅੱਧਾ ਕਿਸੇ ਕੋਲ ਸਾਰਾ, ਕਿਸੇ ਕੋਲ ਹੈਨੀ ਵੀਚਾਰਾ ?   ਮਾਂ-ਪਿਓ

ਬੀਜੇ ਰੋੜ ਉੱਗੇ ਚਾੜ, ਲੱਗੇ ਨੀਂਬੂ ਖਿੜੇ ਅਨਾਰ ?   ਕਪਾਹ

ਸੱਭ ਤੋਂ ਪੈਲਾਂ ਮੈਂ ਜੰਮਿਆ, ਫਿਰ ਮੇਰਾ ਭਾਈ, ਖਿੱਚ ਧੂ ਤੇ ਬਾਪੂ ਜੰਮਿਆ, ਪਿੱਛੋਂ ਸਾਡੀ ਮਾਈ ?   ਦੁੱਧ ਦਹੀਂ ਮੱਖਣ ਤੇ ਲਸੀ

ਸਬਜ਼ ਕਟੋਰੀ ਮੀਠਾ ਭੱਤ, ਲੁਟੋ ਸਈਓ ਹੱਥੋਂ ਹੱਥ ?   ਖਰਬੂਜਾ

ਬਾਹਰੋਂ ਆਇਆ ਬਾਬਾ ਲਸ਼ਕਰੀ, ਜਾਂਦਾ ਜਾਂਦਾ ਕਰਗਿਆ ਮਸ਼ਕਰੀ ?   ਭੂੰਡ

ਰਾਹ ਦਾ ਡੱਬਾ , ਚੁਕਿਆ ਨਾ ਜਾਵੇ , ਹਾਏ ਵੇ ਰੱਬਾ ?   ਖੂਹ

ਚੜ੍ਹ ਚੋਂਕੀ ਤੇ ਬੈਠੀ ਰਾਣੀ, ਸਿਰ ਤੇ ਅੱਗ ਬਦਨ ਤੇ ਪਾਣੀ ?   ਹੁੱਕਾ

ਲੰਮਾ ਲੱਮ ਸਲੱਮਾ, ਲੰਮੇ ਦਾ ਪਰਛਾਵਾਂ ਕੋਈ ਨਾ ?   ਸੜਕ